Birna Picciridda: apríl 2005

föstudagur, apríl 29, 2005

ahhhhhh ég er of upptekin að sleikja sólina til að skrifa eitthvað merkilegt í dag...bið að heilsa ykkur í bili!!

fimmtudagur, apríl 28, 2005

Sól og sumar

Flott hjá mér að kvarta yfir veðrinu í gær, vaknaði í morgun og komin þessi líka eina og sanna rjómablíða sem maður á að venjast hér, nú er ég alveg viss um að sumarið sé komið, maður finnur það svona í loftinu, hitastigið er að hækka jafnt og þétt og loftið verður svolítið kæfandi, en ég er bara ánægð með það... feels like abroad.. Svo ég snaraði mér bara fram úr hringdi í Angelique frönsku vinkonu mína og tölti svo í pilsi og stuttermabol að hitta hana þar sem hún var stödd hérna upp í nunnuklaustri fyrir ofan hjá mér að nota internetið. Ákváðum að kíkja á markaðinn og enduðum á að kaupa mörg kíló af grænemti og ávöxtum og fórum svo heim til hennar og bjuggum til 2 sallöt, eitt grænmetissalat og svo ávaxtasalat í eftirmat. Þegar ég labbaði heim virtist mér miðbærinn vera enn fallegri en venjulega, enda var ég akkurat á siesta tímanum og því bara götusóparar og örfáir túristar á röltinu. Búið að gera upp eina kirkjuna sem hefur verið undir grænu teppi síðan ég kom hingað í fyrsta skiptið og alveg ótrulegt hvað hún gerir leiðina heim til mín miklu fallegri eftir að hún kom undan teppinu.. jájá gleðileg sumar a tutti!!!

miðvikudagur, apríl 27, 2005

Gerðum okkur ferð til Palermo á laugardaginn seinasta. Það átti að vera hálfgerð verslunarferð en endaði með því að við keyptum okkur ekki neitt. Settumst á bar í miðbænum og fengum okkur bjór og eitthvað smá að borða og viti menn haldiði ekki bara að það hafi verið íslendingar á næsta borði við okkur, á stuttermabolum og stuttbuxum á meðan allir hinir voru í síðbuxum og í jökkum sumir meira að segja í dúnúlpum. Vöktu þeir því töluverða athygli því að þrátt fyrir ca 22 stiga hita þá lætur vorið lítið á sér kræla á sikileyskan mælikvarða...man ég eftir því að yfirleitt um þetta leyti þá hafi maður nú verið byrjaður að fara á ströndina en sú er ekki raunin í ár. Þegar við svo stóðum upp þá heilsaði ég upp á strákana og sögðust þeir vera í árshátíðarferð með Toyota.

Á heimleiðinni seinna um kvöldið ákváðum við að stoppa og fá okkur að borða rétt hjá Enna sem er þorp hérna í miðjunni á Sikiley og fengum við svo ótrulega góðan mat að ég ætlaði aldrei að geta hætt að borða. Fyrst voru það forréttirnir sem voru á hlaðborði og gat maður gengið í þá að vild og var valið á milli einhverra 30 smárétta hver öðrum betri...og þá var maður eiginlega bara orðinn saddur en synd og skömm hefði verið að hætta þar við búið þannig að við skelltum okkur í aðalréttinn sem var risastór nautasteik, svo stór að það þurfti framlengingu á diskinn minn til að koma henni allri fyrir... ég læt það fylgja með að ég gat ekki klárað.. en allavegana þessu öllu skolað niður með dýrindis rauðvíni, ekki slæmur endir á ágætis degi.

Á mánudaginn hins vegar hélt átið áfram þar sem að það var frídagur hér á Ítaliu, einn af mörgum. Við fórum upp í sveit í góðra vina hópi eftir 2 tíma stopp í umferðarflækju sem myndast þegar ein milljón manns reynir að troðast allir í einu útúr borginni, þá komust við loksins upp á sveitaveginn og eftir það gekk allt snuðrulaust fyrir sig þí að Giovanni hafi tekið móðursýkiskast í 2 mínutur því hann hélt að hann væri týndur, en það reddaðist þar sem að ég sagði honum til og auðvitað komumst við á leiðarenda... Staðurinn
Roccadia ( klikkið á nafnið ) er lengst útí sveit og þarna er hægt að skoða allskonar kynjaskepnur og fara á hestbak ef maður hefur áhuga á því ( svona túristaferðir þar se maður er á fetinu allan tímann )ég fór ekki þar sem að allir sem voru með okkur höfðu aldrei farið á hestbak áður og því ákvað ég að sleppa þessu gylliboði... það besta við þennan stað fyrir utan rólegheitin er án efa matseldin. Það var borinn í okkur matur og vín í 3 tíma og skemmtum við okkur konunglega undir borðum enda rauðvínið bruggað á staðnum og því nóg til af því. Þessi ferlegheit kostuðu 30 evrur á mann, 10 evrur á tímann heheheh... eftir allt átið fórum við svo í fótbolta þar sem að undirskrifuð stóð sig eins og hetja og hrundi meðal annars ofan í skurð en sem betur fer er lítið um vatn í Sikileyskum sveitum þannig að það fór betur en ef ég hefði dottið ofan í skurð úti í Hlíð...

föstudagur, apríl 22, 2005

Ekki er dagurinn í dag neitt betri en í gær. Ég er að hugsa um að stökkva fram af svölunum ég er svo pirruð. Haldiði ekki að helvítis djöfulsins ítalska glæpastarfsemin öðru nafni 'Italski pósturinn hafi ekki stolið úr pakkanum sem ég sendi Birnu vinkonu, dolce og gabbana gleraugun sem hun keypti og skildi eftir hjá mér til að láta stilla þau...búið að rífa upp pakkann og taka gleraugun... það er ekki að ástæðulausu að ég tek stóran sveig í hvert skipti sem ég þarf að fara fram hjá útibúi póstsins og stíg ekki fæti mínum lengur þar inn eftir allt sem á undan er gengið þá er ég alvarlega að hugsa um að gerast hryðjuverkarmaður og koma nokkrum sprengjum fyrir á velvöldnum pósthúsum hér í borg, og meðan ég er að því þá mun ég skilja allavegana eina eftir á háskólaskrifstofunni og aðra á hárgreiðslustofunni frá því í gær... Djöfullinn sjálfur

fimmtudagur, apríl 21, 2005

Ótrúlegt helvíti, nú er ég pirruð. Fór í gær og pantaði mér tíma í klippingu. Mér var sagt að mæta klukkan 10 daginn eftir, það er í morgun. Þegar ég mætti í morgun í klippinguna í svona líka góðu skapi alveg viss um það að ekkert gæti komið mér í vont skap í dag. Klukkan ellefu var ég enn í sólskinsskapi þó svo að enn væri ekki búið að kalla á mig, staðráðin í því að láta þessa ítali ekki hafa áhrif á mig með því að vera aldrei á réttum tíma með neitt og skipulagsleysið ávallt númer eitt. Klukkan tólf þá var nú brosið aðeins farið að dala enda búin að skoða öll blöðin í blaðastandinum. Enn líður tíminn og þrír tíma líða og þá loksins er kallað á mig og ég látin setjast niður þarna fyrir innan fyrir framan spegilinn. Það þýðir samt sem áður ekki að það sé neitt byrjað að gera... klukkan hálf tvö þá byrjar kellingin að gutla eitthvað í hausnum á mér og við ákveðum hvað eigi að gera... til að gera langa sögu stutta þá kom ég út af hárgreiðslustofunni fyrir hálftíma síðan og nú er klukkan 16.30 þannig að ég var ekki nema rúma 5 tíma inni á stofunni!!! 5 tíma!!! Er það ekki bara næstum heill vinnudagur?? Ekki það að ég hefði haft neitt brjálæðislea mikið að gera í dag en ef ég hefði haft eitthvað mikilvægt að gera? Ég endaði nátturlega á því að hálfrífast við eigandann bæði vegna þess að þegar ég sá á mér hausinn þá eiginlega hálfbrá mér þar sem að strípurnar höfðu verið gerðar þannig að ég lít eiginlega út fyrir að vera með meiri rót en þegar ég kom inn á stofuna og það finnst mér ekki kúl sérstaklega þegar maður er buinn að eyða 5 tímum þar inni... fólkið sem vann á stofunni var nátturlega ekki sammála mér og fannst hárið á mér voðalega fínt og það minnti mig á svaðilfarir mínar í Róm þegar ég rölti út af hárgreiðslustofunni með bleikt hár og fólkinu þar fannst nu ekkert að því þar sem að ég var með svo falleg augu!!!!!! Get svo svarið fyrir það...

miðvikudagur, apríl 20, 2005

Það eru komnar nýjar myndir á síðuna, undir DUBLIN2005 1 og DUBLIN2005 2!! ENJOYY

þriðjudagur, apríl 19, 2005

Heilmikil matarveisla hér í gærkvöldi eins og við er að búast þegar Enza og Arianna eru annarsvegar. Ég vaknaði eldsnemma í gærmorgun til að fara með Enzu upp í skóla þar sem að hún átti að fara í próf og vildi fá andlegan stuðning plús far á motorinoinu mínu þar sem að hún nennti ekki að labba. Þannig að ég reif mig upp fyrir allar aldir til að fara með henni og haldiði ekki að loks þegar við komum á prófstaðinn þá gugni hún á öllu saman og svaraði ekki nafninu sínu þegar á hana var kallað, heldur horfðum við bara þöglar á 7 prófessora sem felldu 80 prósent af þeim sem þorðu að svara þegar á þá var kallað. Já það er svona þegar allir ætla sér að verða lögfræðingar.

Þannig að við ákvaðum bara að fara á markaðinn í staðinn fyrir að taka próf og það var líka miklu skemmtilegra, þó svo að mér finnist það súrt að prófa ekki einu sinni eftir 3 mánaða lestur og endurtekningar á einu fagi.. mahhh

Svo borðuðum við einhverjar heimatilbúnar pizzur heima hjá þeim systrum og ákvaðum í leiðinni að borða heima hjá mér um kvöldið, og svo varð úr,bruschette með pomodorini og mozzarella, spaghetti alle vongole og cozze al sugo í aðalrétt, heimatilbúið hvítvín ( ég fékk mér bara eitt glas og hélt mig svo bara við bjórinn )... og svo bakaði ég meira að segja vöfflur með nýja vöfflujárninu mínu sem Nína og Ivano gáfu mér í jólagjöf en það er alveg ótrúlegt hvað hlutirnir smakkast öðruvísi í útlöndum þó maður noti sömu uppskriftir og heima, kannski er hveitið öðruvísi?

Var að koma heim úr bólusetningu. Ítalarnir eru svo svalir að fjórar sprautur verða bara 2 allt bara sameinað, taugaveiki og mænusótt og lifrarbólga og alles og svo bara einhverjar töflur að borða og ég er tilbúin í Thailandsferð, fyrir utan þetta ferðamannastimpil sem ég þarf að fá þar sem að ég er íslendingur..... ahh það er annar höfuðverkur, ég læt mér bara nægja að vera ánægð yfir að bólusetningin var ekki meira mál en þetta... læknirinn vildi helst ekkert að við værum að fá þessar sprautur, segir að maður þurfi engar áhyggjur að hafa í Thailandi ef maður bara passar sig á því að vera ekkert að nudda sér upp við hænur og ekkert að vera heldur að borða mat sem að flugur gætu verið búnar að kúka í hehe það fanst mér nú anzi skondið. Við allavegana drifum okkur í því að fá okkur sprautur bæði tvö þannig að við ættum að vera til í slaginn!!

fimmtudagur, apríl 14, 2005

Ok ég er buin að ná þessu, þið ætlið semsagt að senda mig aleina til DK. Vitiði ekki hvað ég er áttavilt? Ég á aldrei eftir að finna húsið þar sem ég kem til með að búa í ef ég hætti mér útúr húsi!! ´Eg sé þetta alveg fyrir mér, Íslendingur fannst áttalaus í Kaupmannahöfn, ég ráfandi um göturnar, jafnvel komin í eitthvað annað þorp án þess að hafa áttað mig á því ( ég labba sko hratt og það er eingöngu pabba mínum að þakka þar sem að ég eyddi stórum hluta ævi minnar að elta hann út í fjárhús og aftur heim til baka og hann labbar SKO hratt).. og hei já svo fattaði ég þegar ég var í Kaupmannahöfn seinasta sumar að ég man voðalega lítið hvernig á að tala dönsku, gerði samt mitt besta til að gera mig skiljanlega en mér fannst nú frammistaða mín ekki vera upp á marga fiska.

En hei, ég get allavegana montað mig á því að ég mun verða nálægt mörgum öðrum löndum. Enga stund verið að skreppa yfir til Þyskalands, Englands,Sviþjóðar og svo frv, já þá eigiði nú eftir að verða abbó heh... En þetta er allt EF ég mun enda í Köben, hver veit hvað framtíðin ber í skauti sér...best að ákveða ekki of langt fram í tímann.

þriðjudagur, apríl 12, 2005

Heii mér leikur forvitni á að vita hver eða hverjir ætla að koma með mér til Danmerkur í haust!!?? Ég trúi því bara ekki upp á ykkur að þið ætlið að senda mig þangað eina... ? Ha? Huh?

Mig langar til að vita hverjir ætla að koma með mér til Danmerkur í haust? Trúi ekki að þið ætlið að senda mig þangað eina!! Anyone??

mánudagur, apríl 11, 2005

Your Inner European is Italian!

Passionate and colorful.

You show the world what culture really is.

Who's Your Inner European?

þið eigið ekki eftir að trúa því en ég var svooooooo að passa mig að það kæmi ekki italian út, en það hefur greinilega ekki tekist hjá mér.... fyndið getur þetta virkilega verið að þetta séu örlög mín?? Viljiði gjöra svo vel að taka þetta próf og lata mig vita hvað þið fáið út úr því???

föstudagur, apríl 08, 2005

whoooa whoaaaa þið eigið ekki eftir að trúa þessu en ég er komin með plaggið frá háskólanum í hendur og já ég er ekki að djóka en þeir náðu að klúðra því líka whoooaa whuuuaaaa whoaaaaa já ég get ekki annað en hlegið. Núna er komið inn á ferilinn minn að ég hafi tekið einhvern áfanga á Rannsóknarstofu í Umhverfiseðlisfræði og hafi fengið 20 af 30 mögulegum þegar ég hef hins vegar aldrei tekið próf í þeim áfanga... hins vegar vantar inn á ferilinn próf sem ég tók í umhverfislífeðlisfræði, þannig að eina kellingin með viti hefur greinilega lesið eitthvað vitlaust... arrghh ég nenni sko ekki að fara þarna niðureftir aftur!! Það mætti halda að það væru þau sem væru í landi þar sem er talað annað tungumál en þeirra eigin, ekki ég!!! Þau hefðu átt að leyfa mér bara að sjá um þetta eins og ég sagði einu sinni við einhvern starfsmanninn þarna niðurfrá í bræðiskasti fyrir um ári síðan þegar þolinmæðin var virkilega á þrotum. Bla bla bla sjáum til, kannski slepp ég bara við að taka einhvern eðlisfræðiáfanga í framtíðinni, kannski voru þeir bara að gera mér greiða? Hmmmm

fimmtudagur, apríl 07, 2005

Er loksins orðin hitalaus, þó ég hafi nu ekki mælt mig eða neitt, finn það bara að ég er ekki með hita eins og í gær, Giovanni eitraði fyrir mér í gærkveldi, það væri þá aldrei nema þessar ítölsku töflur virki. Eg vil yfirleitt aldrei taka nein lyf þegar ég er með kvef þar sem að kvef og hiti er eitthvað sem gengur bara yfir. Hinsvegar vill Giovanni alltaf að ég taki einhverjar í töflur og ég neita alltaf þar til að hann tróð henni upp í mig í gærkvöldi og svei mér þá held bara að hún hafi virkað, annars er þetta erfitt því að ég fæ víst aldrei að vita hvort ég hefði bara ekki verið hitalaus í dag þó ég hefði ekki tekið inn töfluna...að ógleymdum nýkreistum appelsínusafa sem ég fæ alltaf beint í rúmið áður en hann fer í vinnuna, appelsínur eru heilagar hér um slóðir og eiga vist að vera allra meina bót.

Annars er ég búin að vera dugleg í dag. Búin að greiða kisa uppi á svölum, bursta skelina á skjaldbökunum og skipta um vatn á þeim ásamt að leyfa þeim að hlaupa aðeins um svalirnar ofan í blómapottunum og svona og svo skipti ég á mold á appelsínutréinu mínu, loksins þvi að potturinn var orðinn alltof lítill.

Frétti líka í gær að það gæti farið að styttast í það að ég fái vinnu.. já já en tölum ekki meira um það í bili því að ef maður hugsar of mikið um hlutina þá rætast þeir ekki....

miðvikudagur, apríl 06, 2005

Hei fattaði í gær að ég var ekki búin að segja ykkur frá því hvernig fór á háskólskrifstofunni um daginn. Það er svosem ekkert nýtt að ég hafi verið þar á ferð enda verið mitt annað heimili seinustu þrjú árin, en núna gerðist svolítið athyglisvert.

Í þetta skiptið þá fór ég til að tala við einhverja konu sem ég undanfarin 3 ár hafði ekki haft hugmynd um að væri til. Lögfræðingurinn sem fór upp í skóla fyrir mig hafði upp á henni og sagði mér að hún væri ein af fáum þarna inni sem hægt væri að tala við af viti. "aaaa ert þú þessi fræga Birna" segir hún þegar ég kynni mig. Mér til mikillar undrunar þá veit hun alla mína sögu og segir mér að það hafi fullt af fólki komið og hringt í hana til að tala um mig og mín vandræði. Ég kinka bara kolli og bíð eftir að hún segi mér eitthvað af viti. Ég fæ að vita það að prófin mín frá Íslandi hafi aldrei verið metin inn í háskólann hér vegna þess að þau séu svo lík líffræðiprófum ( já ég kem einmitt úr líffræði þetta passar allt hjá þeim ) þrátt fyrir að seinustu 3 árin þá hafi ég verið látin standa í þeirri trú að prófin yrðu metin inn, og þess vegna sé búið að ógilda prófin sem ég hafi tekið við skólann hérna úti og ég fékk meira að segja að sjá plaggið þar sem stóð svart á hvítu ÓGILD, þvílík ironia að þetta er eina plaggið sem ég hef fengið að sjá frá háskólanum í catania frá því ég kom hingað. En jæja, kella skilur ekkert í því afhverju ég hafi ekki haldið áfram að borga skólagjöldin og ég svara henni hreinskilningslega að ég hafi ekki hugsað mér að halda áfram í þessum kúkaskóla þar sem að maður þarf að bíða í 3 ár eftir að fá að vita hvort að prófin manns séu metin inn eða ekki og loksins þegar ákveðið er að þau séu ekki metin inn þá sé hvorki verið að hafa fyrir því að láta mann neitt vita og það sem maður hefur gert á meðan bara strokað út eins og ekkert sé.

Hún kinkar bara kolli og segir að ég þurfi nu samt sem áður ekki að hafa áhyggjur ég þurfi bara að fara til prófessoranna og biðja þá um að gera mér smá greiða með að breyta dagsetningunum á prófunum, henni þyki það óliklegt að ég muni þurfa að taka þau upp á nýtt!!!!!!!! Er ekki í lagi????

Ég segi henni vinsamlegast að ég ætli ekki að fara að hlaupa um allar skólabyggingarnar og grenja út greiða hjá þessum blessuðu prófessorum vegna þess að einhverjir sem ég veit ekki einu sinni hverjir eru hafi ekki unnið vinnuna sína. Hver ætlar svo að segja mér það að þessir kennarar eigi svo eitthvað eftir að hlusta á mig? Díses. Eins og ég treysti einhverju af því sem er sagt við mig núorðið....

Þessi fundur endaði á því að hún ætlar að prenta út fyrir mig prófin mín svo ég geti þá farið til Danmerkur eða eitthvert annað langt í burtu héðan, þar sem að á stendur að ég hafi tekið eftirtalin próf en samvæmt ítölskum háskólalögum þá séu þau ekki gild við ítalska háskóla... ég verð því að vona að heimurinn fyrir utan Ítaliu skilji það að ítölsk lög eru nú ekki alveg með fulle fem og að ég fái þetta metið inn í annan skóla.

Hún bætir svo við að strákurinn hennar eigi finnska stelpu sem þyki voða gaman að koma til sikileyjar og henni finnist gott að vera þar en hun sé samt sem áður í skóla í Finnlandi og að strakurinn hafi farið að heimsækja hana og hafi komið aftur til sikileyjar og sagt við mömmu sina, vá mamma það hafa allir svo mikið pláss í finnlandi, allir eiga alveg heilt hús og garð og nóg pláss fyrir alla, en mér finnst samt allir voða kaldir í Finnlandi ekki eins og í sikiley. Í finnlandi þá nefnilega ef þu ferð á háskólaskrifstofuna þá er það manneskja sem segir þer frá a til ö hvað þu eigir að gera á mjög kaldan hátt og svo líkur því þar... hér í sikiley þá hins vegar setur fólk hjartað í það sem það gerir og allir vilja reyna að leysa vandamálin sem upp koma, svo lítur hún á mig og kímir, já eða allavegna flest vandamál.... þetta fannst mér nú frekar sorglegur endir á samtali okkar þar sem að hún reynir að verja sinn málstað með því að segja mér þessa skemmtilegu sögu af syni sínum í Finnlandi sem ég get nú reyndar ekki séð að komi mér nokkuð við fyrir utan það að ég kýs þá frekar kalda háskólastarfsmanninn í finnlandi sem segir mer allavega hvað ég á að gera heldur en ítalska háskólastarfsmanninn sem segir mér ekki neitt af viti en gefur mér hinsvegar hjartað sitt sem ég því miður hef ekkert við að gera....

mánudagur, apríl 04, 2005

Það kann ekki góðri lukka að stýra að drekka nokkra lítra af heimabrugguðu rauðvini í matarboði og skella sér svo á pöbbinn á eftir og panta screwdriver... ég ætti nú að vita það orðið að rauðvín og vodki fer ekki vel saman, en þrátt fyrir það þá skellti ég mér í það að panta mér kokteil eftir allt rauðvínsþambið og þar sem að heilastarfsemin var ekki skárri en það að screwdriver var það eina sem kom upp í hausinn á mér þegar barþjónninn kom til að afgreiða mig þá enduðu hlutirnir á þann veginn. Ég ætla ekki að fara nánar út í það hvernig þetta kvöld endaði en þeir sem hafa komið hingað og heimsótt mig og smakkað sikileysk rauðvín geta ýmindað sér hvernig ástandið var!! Ég er officially hætt að drekka heimabrugguð rauðvín, þetta er verra en versti spíri og hef ég nu séð það svart í líffræðideildinni við HÍ heima... Landi er bara besta grey í samanburði

Annars sit ég bara heima og bíð eftir að það gerist eitthvað markvert. Bíð til dæmis eftir því að mér batni kvefið sem ég er með, er að því komin að kafna og nenni ekki að vera klædd sem skildi ( er í ljótasta jogginggalla ever með trefi, 66gráður norður fleesepeysu og í Guinnes inniskónum sem var það eina sem ég splæsti í í risa Guinnes storehousinu sem við fórum í í Dublin og ferðafélagarnir sikileysku eyddu 2 tímum inní... hélt ég yrði geðveik þar sem að ég var buin að skoða allt á 5 mín og kaupa það sem mig langaði í líka arrgghh ). Er líka að bíða eftir að bréfið frá háskólanum í Danmörku komi, er buin að biða eftir því í 10 daga.... það var nattla sent heim til íslands og mamma sendi það áfram til mín en enn bólar ekkert á því... er að bíða líka eftir því að rafmagnskallinn komi, það er nefnilega buið að vera rafmagnslaust í íbúðinni frá í gær og fiskarnir mínir eru að verða súrefnislausir og næstum freðnir líka plús það að ískápurinn er farinn að leka og ég nenni ekki að bíða eftir honum lengur því að ég veit að ef allt fer eins og það fer yfirleitt á Ítaliu þá kemur hann ekki fyrr en seint í kvöld eða á morgun.... hei og já ég er líka að bíða eftir að fá að vita eitthvað með vinnu, það er skemmtilegt að vita aldrei neitt... sérstaklega fyrir skapgóðar og þolinmóðar manneskjur eins og undirskrifuð er....

annars gaman að einu, get sagt ykkur frá því þar sem að Giovanni skilur ekki íslensku. Það hafði samband við mig einhver náungi sem vildi að ég hjálpaði honum að finna vinnu á íslandi, ég hitti hann um daginn og gaf honum upp email hjá orkuveitunni því hann er einhver oflærður gæi í orkumálum... ekki endaði það nu betur en svo að hann er buinn að vera hringjandi síðan til að bjoða mer ut í pizzu og ég veit ekki hvað og hvað því að hann var molto impressionato del mio aspetto grazioso e del mio senso di ironia che é dificile a trovare nelle ragazze belle!!! Já ég gat nú allavegana hlegið að þessu í skammdeginu í íbúðinni minni, búið að rigna í 4 daga og það er ekki ábætandi í rafmagnsleysinu.... hnuufff

Birna Picciridda