HMMM
Það virðist vera sem einhver ljótur maður út í bæ sé að nota msn-inn minn! Ég fæ alltaf skilaboð um það að ég sé að fara inn á msn í annarri tölvu, hmmmm. Hvað er að gerast? Ætli Halldór Ásgrímsson sé búinn að komast í bloggið mitt eins og ritarinn minn benti góðlátlega á í gærkvöldi og sé nuna alveg brjálaður að reyna að eyða öllum gögnum um mig? Sé búinn að bindast einhverju bræðralagi við Bill Gates sem var líka í fýlu við mig út af stolna microsoft hugbúnaðinum og saman séu þeir að fara inn á msn inn minn og dreifa einhverjum óhróðri um mig? Dóri kommon þetta er ekkert persónulegt sko!!
En allavegana, þið þarna, ef að þið eruð mikið að spjalla við mig á msn næstu daga, vinsamlegast verið viss um að viðkomandi sé ég... Spurjið persónulegra spurninga, annars veit ég sko ekki hversu mikið Dóri veit nú þegar... já eða Bill. Shit þetta lítur illa út.
Annars herma seinustu fréttir úr símanum mínum að Nína hafi misst af fluginu frá Róm. Hún er ekkert skárri en ég sjellingin...Ég hélt að ég ætti einkaréttinn á flugvélamissi... muuuhhaaaaa við verðum ágætar saman í sumar stöllurnar. Og já Nína ég bíð eftir símtali til að fá staðfestingu á þessum fréttum...
ÚÚÚ það er bara svona...
| You Are a Coy Flirt |
You may not seem like you're flirting, but you know exactly what you're doing.
You draw people in, very calculatingly, without them even knowing.
Subtle and understated, you know how to best leverage your sex appeal.
A sexy enigma, you easily become an object of obsession. |
The driver and the slutty secretary!
Það eru tveir búnir að bjóða sig fram í nýja XX-flokkinn minn. Það þýðir að ég er komin með bílstjóra á vetnisbílinn sem verður bleikur að lit ( uppáhaldslitur bílstjórans ) með loðnu stýri svo honum verði ekki kalt á puttunum og útbúinn með sérstökum minibar aftur í fyrir mig og flokksfélaga mína, ekkert slor þar á ferðinni. Þar að auki er búið að skipa í ritarastöðuna og er þar gríðarlega efnilegur flokksfélagi á ferð þó ekki sé annað sagt, með sérstaka gráðu í kokteilablöndun og með mikla reynslu af dáleiðslu, sem mun án efa koma sér mjög vel í komandi kosningabaráttu. Nú vantar bara fólk í auglysingagerð og matargerð því ekki getum við verið óauglýst og svöng í baráttunni. Þar fyrir utan vantar helstu stefnumál en vitað er að flokkurinn mun helst einbeita sér að því að vera á móti öllum hinum gömlu og úreltu flokkunum. Verður því að unnið að því á næstu misserum að finna góðar úrbætur á öllu því sem við munum mótmæla og betur má fara á litla Íslandi. Stefnumálin munu ekki vera mörg, en markviss.
Seinasta prófið er svo á fimmtudaginn. Ef að allt gengur að óskum þá mun það vera seinasta prófvígið í Bachelorbaráttunni, 7-9-13 því að ég nenni alveg ómögulega að læra.
X-B loves everybody
Tekkið á þessu!!!Já það kemur nú engum á óvart að Framsóknarmenn skuli ekki útiloka samstarf við neinn. Afhverju komu þeir einum manni inn í Reykjavík? Vilja þeir sem kusu XB vinsamlegast gefa sig fram? Hvað er svo málið með að forsætisráðherra landsins komi úr flokk sem varla er til lengur? Steingrím J í embættið, Já takk!! Ég hef fulla trú á því að VG fari ekki í samvinnu með Sjálfstæðismönnum. Þetta er æsispennandi alveg hreint...
TIL HAMINGJU MEÐ AFMÆLIÐ TINN TINN
Já litla barnið í fjölskyldunni er orðið 19 ára gamalt!!! Hafðu það gott í vinnunni í dag litla barn :)
XX
Djöfulsins kjaftæði þessar kosningar. Fjarðarbyggð kusu Smára Geirsson. HVað er málið?? Ég ætla að koma með nyjan flokk fyrir næstu kosningar XX flokkinn. Hverjir eru með? Hvað segiði um það????
Jesú og María Magdalena
Já. Það var bíóferð í gær. Da Vinci Lykillinn. Færeyingar vita ekki af hverju þeir eru að missa með því að banna þessa mynd. Plebbar. Hverjum hefði dottið í hug að þeir væru svona trúaðir, þetta sker þarna langst út í Atlantshafi, næstum jafn mikil plebbaeyja og Ísland! Eiga enga nágranna nema hvorn annan og munu aldrei fá að keppa í Eurovision. En allavegana myndin kom skemmtilega á óvart. Ég bjóst ekki við að hún yrði svona góð en hún heldur manni spenntum allan tímann þó maður sé búinn að lesa bókina. Tom Hanks var alveg að standa sig sem prófessorinn og Jean Reno er nátturlega alltaf flottur. Franska sjellingin var líka allt í lagi og hann þarna breski gaur í albínóagervinu var alveg að meika það! Já ég er ekki frá því að það sé heilmikið til í þessari sögu bara.
Kúgun kvenna í gegnum aldirnar í flestum trúarbrögðum kemur mér einmitt mjög spánskt fyrir sjónir. Hvernig stendur á því að í kaþólskri trú þá megi konur ekki vera prestar eða aðrir trúarleiðtogar. Allir inn í Vatikaninu eru kallar, afhverju? Afhverju mega kaþólskir prestar ekki gifta sig og eiga að lifa skírlífi? Afhverju stendur í Biblíunni að það væri best að grýta Mariu Magdalenu af þvi að hun var bara drusla? Hvað var málið með nornaveiðarnar á 17 öld? Afhverju fékk mamma ekki að fara inn í dómkirkjuna í Feneyjum því að hún var á hlýrabol? Skapaði Guð fötin? Sást ekki í bert hold á Evu? Afhverju þurfti að taka niður skilti með fáklæddum konum í Póllandi þegar páfinn kom þangað í heimsókn í gær? Hverskonar minnimáttarkennd hefur kirkjan eiginlega ganvart konum? Ætli launamismunur kvenna og það að þær fengu ekki kosningarrétt nema fyrir stuttu síðan sé ekki bein afleiðing af þessari minnimáttarkennd? Hnusss. Og já afhverju þurfa konur að vaska upp og þvo þvott og gera allt það leiðinlega? Uppþvottavél og karlkyns aupair á mitt heimili takk, þá er allavegana búið að útrýma smá af misréttinu í gegnum aldirnar. Amen
Enn og einu sinni fallast manni hendur!! Hvað er málið??
Karlmaður var í gær dæmdur fyrir Hæstarétti í tveggja og hálfs árs fangelsi fyrir stórfellda líkamsárás á fyrrverandi sambýliskonu sinni.
Maðurinn sló konuna margsinnis í höfuðið með felgulykli en dómnum þótti ekki sannað að maðurinn hefði ætlað að bana konunni. Árásin átti sér stað á heimili konunnar að morgni 28. ágúst síðastliðinn. Konan minnist þess að hafa fengið þungt högg á höfuðið án þess að hafa orðið vör við mannaferðir á heimili sínu árla morguns þennan dag. Þegar hún sneri sér við sá hún fyrrverandi sambýlismann sinn sem hélt á felgulykli sem hann barði hana margsinnis með í höfðuðið.
Maðurinn ber við minnisleysi varðandi atburðarásina en neitar ekki að hafa beitt konuna ofbeldi. Maðurinn neitar þó að hafa ætlað að verða konunni að bana eða gert tilraun til þess, líkt og honum var gefið að sök. Um ástæður árásarinnar er fátt vitað annað en maðurinn hafði séð til fyrrverandi konu sinnar á gangi með öðrum manni að loknum dansleik um nóttina, að hans sögn. Af geðrannsókn, sem gerð var á ákærða, og öðrum gögnum málsins þykir ljóst að hann
hafði alið með sér sjúklega afbrýðissemi. Héraðsdómur Vesturlands hafði áður dæmt manninn í fimm og hálfs árs fangelsi fyrir tilraun til manndráps. Hæstiréttur mildaði dóminn eins og áður segir í tveggja og hálfs árs fangelsi þar sem ekki þótti sannað að maðurinn hafi ætlað að bana konunni. Maðurinn hefur setið í gæsluvarðhaldi síðan 31. ágúst síðastliðinn
og kemur sá tími til frádráttar við refsinguna. Maður var auk þess dæmdur til að greiða fyrrum sambýliskonu sinni 700.000 krónur í miskabætur, og um eina milljón króna í málskostnað.
JAHERNA HER!!!!
Argandi snilld!!Tékkið á þessu
Gleðilegt sumar,aular!!!
UGH!!
Vá hvað það er erfitt að koma sér í það að læra aftur eftir smá pásu. Ég hef sko engann sjálfsaga, búin að komast að því. Ef það er ekki próf bara alveg eftir nokkra daga þá bara sest ég ekki niður. Prófaði samt í dag en endaði á því að skríða upp í rúm og sofna. Það er nu vel af sér vikið. Prófið er ekki fyrr en 1 juni en það væri ágætt að fara að hella sér í þetta svo maður sé ekki sami gamli íslendingurinn alltaf á seinustu stundu! Nína kemur svo til mín 31 á leiðinni heim, það verður gaman að sjá sjellinguna ( eins og þeir segja í Færeyjum ) :)
Grænlandsferðin er að komast á hreint. Lítur út fyrir að það verði farið 23 júni og aftur heim til Kaupmannahafnar þann 1 júli. Ég verð reyndar þá í 3 vikna prógrammeringskúrs sem lykur ekki fyrr en 26 júli en ég hlyt að geta massað það einhvernveginn...Það er því von á mér heim um þá helgi ( 2-3 juli ), hvort sem ég mun stoppa í borg dauðans eða fljuga beint heim í sveitasæluna. Góðu frettirnar eru þær að við Ragnhildur fengum fullan styrk í þetta Grænlandsverkefni og þurfum þvi ekki að borga kronu sjálfar í ferðinni, eins og leit ut fyrir í byrjun, nema fyrir allar selspikssteikurnar sem við eigum eftir að splæsa á okkur á mestu hip og kúl stöðum Grænlands. Eftir nokkra daga verður svo farið í mission um Kaupmannahöfn þvera og endilanga í leit að rétta vísindamannadressinu, þ.e bleik stígvél og regngalli í stíl. Þegar það verður fundið þá verðum við sko tilbúnar í slaginn. Grænland hér komum við, beint frá Íslandi ( eða frekar svona óbeint samt ) klæddar í íslensku sauðalitina, bleikt frá toppi til táar!! Gerist ekki betra skal ég segja ykkur!!
Annað kvöld er ég svo að fara út að borða með Ragnhildi og Hirti og vinum þeirra og svo í bío á Da Vinci lykilinn, það verður gaman og ég er viss um að Jean Reno heldur myndinni uppi, get ekki beðið eftir að vita hvern hann leikur..
That is all for now!!!
Fréttir úr Birnukoti
Langt síðan að ég hef bloggað. Ástæðan er afar einföld að mestu leyti. Búið að vera mikið að gera seinustu daga, margar svefnlitlar nætur, skýrsluskil, fyrirlestrar, próf og annað stúss. Stærðfræðiprófið er búið. Það hefði mátt ganga betur. 17 maí verður í minnum hafður fyrir að vera alveg einstaklega leiðinlegur og misheppnaður dagur. 18 mai var litið betri, Sylvía komst ekki áfram í Eurovisioninu og ég hellti í mig einni rauðvínsflösku til að slá á sorgir mínar enda í fyrsta skiptið í 6 ár sem ég fæ tækifæri til að fylgjast með þessari blessuðu keppni. Íslendingar eiga sko aldrei eftir að komast upp úr þessari blessuðu undanúrslitum, okkur væri nær að spara þessar hundrað milljonir sem kostar að senda föruneytið út og eyða peningunum í eitthvað annað gáfulegra. Annars var ég nokkuð ánægð með hana Sylvíu, verst að Evrópa var ekki að fatta djókið!!!
Vaknaði svo draugþunn daginn eftir til að fara og halda fyrirlestur á dönsku nátturlega, upp í skóla um Nilfisk hárystidæluna. Gekk líka svona glimrandi vel. Þynnkan leyfði stressinu ekki að komast að og ég líka svona svellköld. Spurning um að hafa þetta sem fasta reglu í framtíðinni. Fékk 10 fyrir öll herlegheitin og þar með er sá áfangi staðinn.
Helgin er svo búin að vera frekar róleg, enda smá púst núna á milli prófa. Ég kíkti aðeins á hverfispöbbinn í gærkvöldi í ágætis kompaní og komst þar í tæri við undirheima Amagerhverfisins. Eigandi staðarins draugfullur tilkynnti mér að ég hlyti að vera drottningin af Íslandi, sem mér fannst mjög við hæfi og barkallinn sem var sextugur og tannlaus skellti sér úr bolnum eitt augnablik til að sýna okkur skotsár og svöðusár sem hann var með á bringunni. Þetta var allt saman mjög athyglisvert og eftir nokkur ABBAlög í djúkboxinu og smá gajol þá var haldið heim á leið og í framtíðinni sneitt fram hjá hverfiskránni enda alveg nóg að tala við sumt fólk bara einu sinni.
Læt þetta duga í bili enda best að fara að huga að næsta prófi. Luv u all
Shining in the bright
Já tékkiði á skvísunni hún er greinilega að gera góða hluti í Aþenu.www.esctoday.com/news/read/6102 ( og afhverju get eg ekki sett svona linka inn á bloggið mitt? Getur einhver sagt mér það? )Ég er nú búinn að vera Sylvíu fan frá því að þessi rugludallur kom fyrst fram á sviðið og hef alltaf gaman af þessu misheppnaða wannabe kúl barnslega yfirbragði á henni.
En ég svaf alltof lengi í dag, druslaðist ekki fram úr fyrr en klukkan 10.30. Það beið enginn við rúmstokkinn með kaffi handa mér þannig að ég varð að fara út sjálf og finna það til að geta vaknað, ljóta vesenið. Það er alltaf jafn gott veður. Síðan að sumarið kom loksins hér í Kóngsins K þá hefur það ekkert breyst. Konstant sól og 20 stiga hiti upp á hvern dag og ghettóliðið í blokkunum hérna safnast allt fyrir á nýju svölunum hérna fyrir utan gluggann hjá mér og drekkur bjór og sólar sig allan daginn. Ljóta pakkið, hefur þetta lið ekkert annað að gera? Hnuss og já ég er bitur,
inni að læra fyrir stærðfræði og nei það er ekkert réttlæti í þessum heimi.
Wassup
Jæja, ekki alveg öllum var sama um öndina en flestum þó. Heimur versnandi fer!! Þeir sem þekkja mig vita að ég er veik fyrir öllu fiðurfé og því þarf ekki að örvænta um afdrif andarinnar ... Auðvitað skaut ég hana ekki! Og Nína Björg Sæmundsdóttir, ég held að ég verði bara að koma þarna ut til þín og stela þér eitthvað aðeins meira norður á bóginn, sýnist að uppeldi foreldra þinna sé alveg að fara út um þúfur þarna í útlandinu, ef miða má við orðbragðið á þér seinustu daga. Kannt meira að segja orðið að ríma með ljótum orðum. Þar hefurðu það væna mín. Annars er það einmitt orðið opinbert að ég og Nína munum hefja sambúð í kjallaranum heima hjá mömmu og pabba núna í sumar því að hún er sko búin að fá nóg af vinnu í sveitinni hjá mér. Þess má því vænta að ég muni hafa nógan tíma til uppeldis svona á milli vakta á verkfræðistofunni og á spítalanum þar sem að hún móðir mín er búin að troða okkur báðum á allskonar hugsanlegar vaktir að mér heyrist aðallega í sjalfboðavinnu. Þess á milli ætlum við stöllur svo að vera duglegar að stunda sveitaböllin með hinum 16 ára unglingunum og fara í fjallgöngur um hálendi Íslands. Þvílíkt masterplan.
En hei, ég fór alltof seint að sofa í gærkvöldi en get huggað mig við það að ég er officially með hærri greindarvísitölu en meðalmaðurinn!! Já mér leist nú ekkert á þetta próf í fyrstu en svo hef ég greinilega massað það svona líka því að í niðurstöðunum var mér tilkynnt að ég væri með 120 í Iq á meðan meðaltalið er ekki nema 100. Já sko mína, bara að það eigi eftir að koma að góðum notum í stærðfræðiprofinu, finnst það ólíklegt þó :(
Þið getið kíkt á www.persona.is og tékkað á þessu testi.
Over and out
