Áfram Framsókn
Mig langaði bara til að lýsa aðdáun minni á umhverfisráðherra vorum henni Jónínu Bjartmarz. Hún er að standa sig alveg einstaklega vel sem umhverfisráðherra. Að utanskildnu því að hún er með 30 ára gamalt kennarapróf úr einhverjum skóla sem er ekki til lengur og 3 ára lögfræðinám úr HÍ þá virðist hún vera alveg einstaklega vel til þess fallin að meta umhverfisáhrif af hinum og þessum framkvæmdum. Hún sýndi það og sannaði núna á dögunum með því að fella úr gildi umhverfismat sem aðilar eins og skipulagsstofnun og landvernd t.d voru búnir að vinna fagmannlega að og gefa álit sitt á. Kjella bar því við að hún hefði safnað að sér miklu magni upplýsinga og gengið sjálf um svæðið. Já þá hlýtur þetta að standast hjá henni. Nú ætla ég ekki að tjá mig um þetta umhverfismat því ég hef ekki lesið það en það er gaman af því að sjá hvað Framsóknarmenn vinna alltaf faglega að sínum málum, með öðrum orðum, taka sínar eigin sjálfstæðu pólitísku ákvarðanir í stað þess að láta fagfólk vinna sína vinnu. Húrra fyrir umhverfisráðherra.
posted by Picciotta @ 00:04
10 Comments:
Já Jónína fetar í fótspor annara framsóknarumhverfisráðherra. En þú getur ekki mótmælt því að Jónína er með ansi gott tan ha?
Já einmitt.. hún fær það sennilega af því að gera umhverfismöt hér og þar um landið!! Eða hvað????
Já það gerir öll útiveran! En ég hef áreiðanlegar heimildir fyrir því að Jónína hefur á fölskum forsendum fengið svokallaðan psoriasis ljósabekk heim til sín en það gerðist í ráðherratíð Jóns Bjarnasonar fyrrverandi heilbrigðisráðherra. Spillingin er allstaðar
aaaah, psoriasis ljósabekkur. Hljómar vel. Ætli það séu fríðindi sem fylgja stöðu umhverfisráðherra? Þá segi ég nú bara, pant verða næsti umhverfisráðherra!
Hei já Ragnhildur, þú hendir einum í mig þá líka svona upp á gamlan vinskap er það ekki?
Hvaða hvaða. Framsókn hvað?
Hvaða þingmaður hefur staðið sig vel í umhverfismálum þegar hann hefur verið í meirihluta á alþingi?
Hjörleifur guttormsson(Iðnaðarráðherra)? Steingrímur J Sigfússon (Samgönguráðherra)?
Ingen problem, one psoriasis ljósabekkur comin' up for you my friend!
bíddu bíddu, ALLIR HINIR eru komnir í stafrófsröð. Mér fannst hitt kerfið líta svo vel út ;D
Mér þykir þú glögg Bryndís!!
Og Helgi.. það er náttúrlega löngu ljóst að Framsóknarmenn eiga að skríða aftur niður þaðan sem þeir komu. Ótrúlegt að flokkur sem enginn kýs stjórni heilu landi..það er þá lýðræði í lagi!!
Ég er alveg sammála þér um það en það er ekki allt sem miður fer á Íslandi Framsóknarflokknum að kenna. Það eru Íslendingar sem kjósa og ef þeir vilja breyta landinu kjósa þeir eitthverja aðra til að stjórna landinu og það fer að koma að því hvort sem það verður í næstu kosningum eða þarnæst. Ég held reyndar að annaðhvort Framsókn eða Sjálfstæðisflokkurinn verði í næstu ríkisstjórn hvort sem þeir verða þar saman eða ekki.
kanski X-D og X-V? Allavega hef ég ekki trú á að núverandi stjórnarandstaða verði öll í ríkisstjórn, Ég sé heldur ekki muninn á Samfylkingunni og Sjálfstæðisflokknum, þ.e.a.s. Ingibjörg Sólrún er alltaf að predika um þessa háu herra sem eru í ríkisstjórn þeir séu svona og svona en hún og hennar stjórnunarstíll er ekki frábrugðin því sem hún sakar hina um. (það var kanski algjör tilviljun þegar hún ók um á Pajero jeppa frítt frá Heklu eftir að Orkuveita RVK undirritaði samninga um kaup á tækjabúnaði í Neðjavallarvirkjun?)
Birna þú verður samt þingmaður á næstu c.a. 8 árum ef þú flytur eihverntíma heim aftur, ég skal glaður kjósa þig.
Skrifa ummæli
<< Home