ÞETTA ER FRAMHALD AF ÞVI SEM ER HER FYRIR NEÐAN,ÞANNIG AÐ ÞAÐ Á AÐ LESA ÞAÐ Á UNDAN OG SVO ÞETTA,EITTHVAÐ AF ÞESSU BLOGGI
já sem sagt held að næsta skref sé að þýða öll prógrömm sem ég hef lokið hér yfir á ensku og senda til Danmerkur og athuga hvað af þessu verði metið inn þar.... það verður skemmtilegt. Hvað segið þið annars um þetta? Mig vantar andlegan stuðning!!
Annars er alveg voðalega lítið að frétta. Fór að skoða kirkjugarðinn í Catania um daginn og tók vinkonu mína hérna með mér... það var nú lífsreynsla útaf fyrir sig, sérstaklega þó að fara með henni því að hún er svo skemmtilega kaþólsk þó hún vilji eiginlega ekki viðurkenna það, og hún ser vonda anda og merki um hið slæma út um allt. Allavegana hana langaði ægilega til að koma með mer í kirkjugarðinn þegar ég nefndi Það yfir kvöldmat hérna einhverntímann og þar sem að kærastinn hennar áleit hana geðveika yfir að vilja fara þangað ( og minn reyndar líka ) þá ákváðum við að fara. Það sem sló mig þegar við komum þangað á vespunni minni er að við innganginn þá bíður umferðarlögreglan eftir þér. Við snörum okkur af hjólinu og ég ætla að fara að leggja en þá segir löggan mér að ég geti keyrt um inn í garðinum.... og ég bara haaa, nú en við ákváðum nú samt að labba svona af virðingu við hina látnu... sem var eiginlega soldið skondið því við vorum eiginlega bara í stór hættu á milli grafanna þar sem að umferðin er frekar mikil og hröð.... og folk meira að segja flautar fyrir gröf ( he he he ) þvi að stundum sést ekki fyrir hornið sko.... en já það býr allavegana ekki fólk í kirkjugarðinum hér eins og í Indónesiu en ég sá það í heimildarmynd að þar búa heilu fjölskyldurnar ofan á gröfunum og hafa það lika bara svona líka fínt, sumir meira að segja svo heppnir að búa á gröf hjá mjög merkilegu fólki já það eru nú ekki allir svo góðir með sig... já sinn er siðurinn í landi hverju.
Já það er kominn þriðjudagur, þriðjudagur til þrautar er það ekki? Jú ég held það. Mikið langar mig í smalamennskur og réttir. Dreymdi að ég væri að smala í nótt, það var sko gaman. Var á leiðinni út í Ketilsstaði á hesti að ná í rollur. Já það er nú orðið langt síðan ég elti kindur síðast, eins og ég var nú góð í því.
Annars er lítið að frétta. Lögfræðingurinn lætur lítið í sér heyra, enda er mér að verða alveg sama, ætla bara að birta greinina mína út um allt og hverfa svo. Fara bara í skóla í Danmörku eða einhversstaðar og læra alla ævi. Þeir finna mig aldrei þar. Annars líst mér líka bara svona helvíti vel á skólana þar, get lært það sem ég er byrjuð á ( á dönsku ) en maður er nú sleipur í tungumálunum já já skal vi snakker samen og jeg skal til Kastrup maður kann nú að segja það svo það skiljist. Held að næsta skref sé að
Heyrðum í lögfræðingnum í dag. Hann sagðist vera búinn að tala við helstu forsvarsmenn deildarinnar minnar í þessum blessaða háskóla og sögðust þeir allir kannast við mig og mín mál sem mér kemur nú ekki á óvart eftir tveggja ára viðurvist mína inni á skrifstofum þeirra, þó svo að það hefði nú verið alveg eftir þeim að þykjast ekkert um mig vita. Þetta sýnir sennilega vald þessa manns því að hann er flæktur inn í alla hugsanlega pólitík hér í Catania sem hugsast getur og aðallega þá einmitt í þá pólítík sem þið eruð að hugsa um akkúrat núna. Hann sagði mér að vandamálið væri það að þar sem að þessi blessaða deild hefur aldrei þurft að taka áður á móti útlendingum sem koma svona langt frá ( haha guð hjálpi þeim ef þeir myndu þurfa að taka á móti japönum eða áströlum ) þá hafi þeir barasta ekki vitað hvað þeir áttu að gera þegar þeir áttu að meta inn prófin mín og setja einkunnirnar yfir á ítalskt kerfi ( og þetta lið kallar sig vísindamenn ) og því hafi enginn viljað taka á sig ÁBYRGÐINA fyrir þessum gjörningum jáhá.... einhvern veginn þá lítur þetta út fyrir mér sem mjög léleg og hallærisleg afsökun fyrir því að vera latur og nenna ekki að vinna vinnuna sína og að þeim hafi brugðið heldur betur þegar þessi gæji hafi lallað inn á skrifstofuna til þeirra, gott á þá. Þetta er nú samt sem áður ekki búið þar sem að nú á að tala við enn einn manninn sem er samt sem áður yfirmaður deildarinnar minnar. Ekki veit ég hvað á að segja við hann, en ég verð vonandi látin vita, þrátt fyrir að ég sé aldrei alveg viss hvort að ég fái alla útgáfuna af því hvað sé um að vera.
Það er rigningarlegt en samt heitt. Veðurspáin segir að það eigi að kólna á næstunni, ég er eiginlega bara fegin, orðin leið á þessum hita. Er að fara á fótboltaleik og mun ekki halda með Catania bæ ðe vei...
Jæja það lekur aldeilis fínt hraunið úr Etnu þessa dagana og ég hef fínt útsýni af svölunum hjá mér, sést rosalega vel, og mamma og pabbi á leiðinni til mín.....
Annars átti ég að fara til lögfræðingsins í dag. Hann hringdi í gær og vildi segja mér hvernig þetta hefði farið í gær. Nú hringdi hann aftur í morgun og sagði að hann þyrfti að tala betur við manninn í háskólanum því að það væri eitthað vesen, ég hef einmitt ekki góða tilfinningu um þetta allt saman og finnst einhvern veginn eins og ég sé á leiðinni héðan burt... æi maður bara finnur það á sér.
Hei við vorum að kaupa okkur DVD spilara, vorum að leita að vöfflujárni sem virðist vera nærri því ómögulegt að finna hér, og fundum í staðinn þennan fína spilara á 89 evrur með 13 bíomyndum jejejje og þetta eru ekki einu sinni gamlar og leiðinlegar myndir helfur bara frekar nýlegar eins og t.d Blade2!!! Jösss, það var nú samt sem áður trikk, en það er það að það er ekki hægt að horfa á þær á ensku heldur bara á ítölsku urggg ( hei hversu mörg það voru eiginlega í þessari setningu )?
HÚN ÞÓRANNA LITLA Á AFMÆLI Í DAG, INNILEGA TIL HAMINGJU MEÐ DAGINN LITLA DRÓS OG HAFÐU ÞAÐ SEM ALLRA BEST Í DAG!!!!!
Ef ykkur finnst óþægilegt að lesa bloggið með myndina svona fyrir aftan þá er þjóðráð að sverta textann með músinni eins og Þóranna benti mér á, þannig er hægt að lesa skýrt og greinilega.
Annars er afskaplega leiðinlegt að bíða svona og gera ekki neitt. Vona að þessi maður fari að láta mig vita eitthvað. Ég er samt búin að fá hálfgert loforð um að grein sem ég skrifaði um þessar hrakfarir mínar verði birt í einu af mikilvægustu dagblöðunum hérna, þar sem að blaðamaður sem vinnur þar las hana og fannst hun brilliant skrifuð, já ekki nema maður hafi bara valið sér vitlaust fag frá byrjun..... hefði sennilega átt að fara í fjölmiðlafræðina .... hver veit? Allavegana veit ekki hvort að það borgi sig að fara að birta skammargrein um háskólann hér og meðlimi hans ef ég ætla mér svo að halda áfram að læra hérna, en ég vona að þetta komi allt saman í ljós sem FYRST!!
Og hvernig er það? Er enginn þarna úti sem les þetta orðið?
Heimska blogg...maður skrifar og skrifar og það bara strokast allt út...eins gott að maður er gæddur mikilli þolinmæðigáfu....
Það er allt fullt af svona heimskum amerískum realtyshowum sem búið er að breyta yfir í ítalska veruleikaþætti í sjónavarpinu hérna. Alveg ótrúlegt helvíti maður. Þetta eru alveg merkilega heimskulegir þættir sem maður verður svo alveg ótrúlega húkked á. Það er líka alveg furðulega oft kveikt á sjónvarpinu hjá mér akkúrat þegar þessir þættir eru, skil nú ekkert í því. Eins og maður hafi ekkert annað að gera en að horfa á þessa þvælu? Málið er nefnilega að ég byrja að horfa á þetta til að geta hlegið og sett út á vitleysuna sem þessu liði dettur í hug að gera og segja....svo veit maður ekki fyrr en maður er kominn á kaf í ruglið. Þetta er að mínu viti grafalvarlegt mál. Hvað er að þessum dagskrárgerðarmönnum eiginlega? Svo er ekki eins og það sé bara einn eða tveir af þessum bölvuðu þáttum heldur er hver stöð með allavegana 2 svona brjálæðisrealitysjóv, martröð dauðans að kveikja á tellyinu....
Dæmi um einn svona þátt sem er sendur út tvisvar á dag. 4 ungmennum er troðið inn í eitthvað hús í Cinacittá þar sem þau búa saman. Hvert þeirra á að reyna að uppfylla eitthvað skilyrði, svona eins og áramótaheit eða eitthvað svoleiðis. Ein er að reyna að fá bílpróf og svo ætlar hun að reyna að gleyma fyrrverandi kærasta sínum sem bæ ðe vei hún náði í í öðrum svona veruleikaþætti sem er svona ítölsk útgáfa af bachelor þar sem hann valdi hana af þvi að hun var svo sæt og með stor brjost ( ekki ufficial en lesið á milli linanna ) enda voru þau ekki fyrr komin út úr sjónvarpsverinu að þau voru byrjuð að rífast. Með þessarri gellu er ein sem er að reyna að verða mjó, og hun er ekki einu sinni feit þannig að það ætti ekki að vera það mikið mál... Með þessum tveimur býr svo strákur sem er alltaf ber að ofan og vill reyna að opna bar og með þessum þremur býr sá fjórði sem reynir að láta þann þriðja mistakast að opna barinn og er lika alltaf ber að ofan til að vera í stíl við hinn..... doooooohhhhh
Allavegana, gellan er buin að gleyma kærastanum en enn er hun ekki komin með bilprofið eftir 2 manaða ökuæfingar á næstum hverjum degi þar sem að henni tekst aldrei að klara heilan bílatíma án þess að drepa á bílnum, jeduddamia.... í gær fór hun svo loksins í bílprófið en það gekk nu ekki betur en svo að hun féll og þátturinn í gær fór allur í grenj og aftur grenj þar sem áð heimurinn er óréttlátur og prófstjórinn hataði hana þvi að hun kann sko alveg að keyra...... þetta er alveg ótrúlega spennandi.... HVAÐ GERIST NÆST??????
Hmmmmm
Jámm, veit ekki hvort það sé eitthvað að gerast í mínum málum. Töluðum við óstundvísa lögfræðinginn sem afsakaði sig í bak og fyrir fyrir að hafa ekki komið um daginn en hann tafðist víst eitthvað greyið kallinn, en það er svosem ekki óalgengt hér um slóðir.
Allavegana, hann sagði að þetta væri nu ekki mikið mál, hann myndi nú redda þessu, bað mig að skrifa niður allt það sem ætti að gera og eftir eina viku þá yrði þetta komið í lag.....
Já ég veit svosem ekki hverju maður á að trúa. Sjáum til sjáum til, ég bara bíð og sé til. Se sono rose fioriranno eins og þeir segja hér, ef það eru rósir þá munu þær blómstra......
Já já já þurfið ekki að hafa áhyggjur af því hvernig það fór hjá þessum lögfræðing, hann lét ekkert sjá sig .....
Það er allt í vitleysu með þennan skóla hjá mér. Fór og talaði við forseta deildarinnar minnar og hann er bara hálfviti og ekkert við því að gera svosem. Þegar ég fór og talaði við hann fyrir 2 árum síðan í fyrsta skiptið þá sagði hann mér hvaða fög myndu verða metin inn í þennan blessaða skóla hérna en svo núna 2 árum síðar þá hefur enn ekkert gerst í þessum málum og búið að blokka innritunina mína þar sem að prófin sem ég hef tekið heima á Íslandi og í Róm eru enn ekki komin inn á skólaferilinn minn og þar með þá vantar mig alveg heilar 50 einingar eða svo inn á ferilinn þannig að það lítur alltaf út eins og ég sé ekki buin með nein próf og prófin sem ég hef verið að taka seinustu 2 árin hérna hafa því heldur aldrei farið inn á skólaskýrsluna mína. Núna sagðist hann samt sem áður ætla að meta inn prófin og því ætti ég að geta farið í rólegheitum yfir á 2 ár..... ANNAÐ 'AR??? Ég sem er búin með öll próf á öðru ári nema tvö??? Hvað á ég að gera í heilt ár á öðru ári.
Gerði misheppnaða tilraun til að útskýra þetta fyrir þessum geðveika kalli en allt gekk fyrir ekki, hann þvertók fyrir það að ég hefði nokkurn tímann beðið eftir nokkrum hlut í þessum skóla og að ég hefði ekki mátt taka prófin á 2 ári án þess að þetta mál hefði verið leyst og því skuli ég gjöra svo vel að gera eins og hann segir annars muni hann ekkert minna en stroka út öll próf sem ég hafi tekið seinustu árin og ekki orð um það meir....
Að þeim orðum sögðum var mér hent út af skrifstofunni í orðsins fyllstu merkingu með þeim orðum að ég þetta yrði svo til eftir einhvern tíma.... já ég hef nú heyrt það sagt seinustu 2 árin en aldrei fundið neitt tilbúið. Hver segir mér að í þetta skipti þá verði það eitthvað öðruvísi. Fyrir utan það að þó þetta verði tilbuið einhverntímann í nánustu framtíð þá get ég alveg eins komið mér heim og tekið þessi 2 ár sem ég þarf að taka hér, þar og án allra flækna og endalausra snúninga fram og til baka. Eða þá bara kannski fundið mér vinnu, ætli það fari nú nokkuð að veita að því eftir öll þessi endalausu ár í þessum fjandans háskóla sem engann enda ætlar að taka að mér virðist... Ég syrgi allan tímann og erfiðið sem ég hef lagt í það að reyna að bögglast í gegnum þetta ótrúlega ítalska háskólakerfi þar sem mér fannst ég samt sem áður vera að læra góða hluti þrátt fyrir bágbornar aðstæður og þá tala ég um tölvur og tilraunastofur sem ekki eru til staðar, allt stressið í hvert skipti sem ég þurfti að bíða klukkutíma og daga eftir að þurfa að taka munnleg próf fyrir framan milljón manns, plús allan peninginn frá LIN sem ég á svo eftir að þurfa að blæða út á næstu misserum ef ég ákveð að hætta þessu skólastandi.... uhhhhh hvað segið þið gott fólk???
Ég er að fara að tala við lögfræðing á eftir, maður verður nú að reyna að gera eitthvað til að koma þessum drulluhölum í skilning um hvað þeir eru miklir drulluhalar...
