Just one word ...
Það kom áskorun frá Risadvergnum um að taka þátt í þessum æsispennandi orðaleik
One word nefnist hann og maður má bara svara með einu orði
Only one word
1. Yourself: Þrjósk
2. Your boyfriend/girlfriend: Ömm
3. Your hair? Fluffy
4. Your mother?: Góð
5. Your father: Góður
6. Your favorite Item: DKNYúrið
7. Your dream last night: Óþægilegur
8. Your favorite drink: Martini
9. Your dream car: Lamborghini
10. The room you are in: Öresundsherbergið
11. Your ex: Giovanni
12. Your fear: Dauðinn
13. What you want to be in 10 years: Hamingjusöm ( ogbúsettíBryggjuhverfinu ) ...
14. Who you hung out with last night? Stærðfræðibókunum
15. What you're not? EinstæðMóðir
16. Muffins: Súkkulaðihjúpaðar
17. One of your wish list items: Pomeranian
18. Time: 23.34
19. The last thing you did: Sturta.
20. What you are wearing: "Náttföt"
21. Your favorite weather: Strandveður
22. Your favorite book: Sofia's world
23. The last thing you ate: Pasta
24. Your life: Hringiðja
25. Your mood: Hverfult
26. Your body: Rosalegur!!! :)
27. What are you thinking about right now? Skólann
28. Your car: Stolinn
29. What are you doing at the moment? Þorna
30. Your summer: Viðburðaríkt
31. Your relationship status: Pause
32. What is on your tv? Myrkur
33. What color are your underwear? Svört
34. What is the weather like? Rigningarúði
35. When is the last time you laughed? Laugardaginn
Ég skora á Bryndísi, Árna Richard, Maddömuna, Nínu, Deezu, Ástu Fjeldsted, Kristínu og Kristján að svara þessu líka!! Koma nú!!
Allt í rólegheitunum í DK
Það er nú bara hér um bil sumarveður hérna í DK. Allavega miðað við veðrið á Íslandi. Hérna er hitastigið vel yfir 10 stigum og fellur lítið á kvöldin. Ég fór út í morgun berfætt ( í skóm samt ) og í skyrtu. Aldeilis fínheit þó mér finnist frostið og snjórinn líka skemmtilegur.
Hvað á maður annars að gefa kaffihúsi langan sjéns þar til að maður hættir að versla við það? Þau eru enn ekki komin með lok á to go kaffidallanna... jesús minn. Ég fer að skammast mín fyrir að stela alltaf lokum í 7-11. En já ég þarf að fara að finna mér annað kaffihús hérna úti á Amager. Í morgun setti hún líka kaffið mitt í glas, þó ég hefði beðið um það til at tage med og hafi aldrei sest niður til að drekka kaffi á þessu kaffihúsi... svo skutlaði hún því bara yfir í plastglas nammi namm... Cafe d'oro engan veginn að standa sig.
Og já Bryndís... TIL HAMINGJU með að vera orðin meistari *öfund* vá hvað það hlýtur að vera gott að vera bara BÚIN ha?
P.s á leiðinni á kaffihúsið kom einhver strákur hlaupandi á móti mér. Honum var svo mikið niðri fyrir að ég hélt að hann væri að missa af einhverju þar til að hann bað mig um að gefa sér 5 eða10 kall. Ég leit á hann og spurði hvað hann þyrfti með það. Nú ég þarf bara eitthvað aðeins að mixa segir hann og horfir á mig biðjandi. Þannig að ég náttúrlega fer í veskið og gef strák greyinu sem mér sýndist þó ekkert grey ( á svipuðum aldri og ég og ágætlega klæddur ) einn gullpening. Hann var voða ánægður og þakkaði fyrir sig og labbaði í burtu... Hmmm
Ísland, bezt í heimi?
Mér finnst alveg glatað að þurfa að vera að læra stærðfræði allan daginn þegar ég hef nóg annað að gera. Bs ritgerðin mín til dæmis situr á hakanum núna því að allir dagar fara í það hjá mér að reyna að skilja x diffrað með tilliti til x og y diffrað með tilliti til x eða y, reikna út einhverja keilufleti og Taylor formúlur. Mér finnst heimurinn miklu bættari með því að ég haldi áfram að spekúlera í flugöskunni og hvernig er best að ná eitrinu úr henni. Svo er ég að vinna í stórskemmtilegu verkefni núna sem felur í sér samvinnu á milli Artek deildarinnar í DTU og HÍ. Er búin að koma mér í samband við einn góðan prófessor heima á Íslandinu og við sjáum fram á skemmtilegt samstarf í heimskautaumhverfismálum í framtíðinni. Mjög spennandi bara. Nú er að fara í það að athuga hvað umhverfisstofnun og jafnvel umhverfisráðuneytið segir því ég hef áhuga á því að reyna að koma þeim á einhvern hátt inn í þetta samstarf enda munu allir græða á því. En þangað til þá er það línuleg algebra og annað skemmtilegt stöff.... arg
Bla bla bla
Gat það nú verið, eftir endalausa tilraunastarfsemi frá því í byrjun september með þessa flugösku, að loksins þegar ég var búin að öllu og ætlaði að setja sýnin mín í gegnum tækið sem gefur mér niðurstöðurnar... þá bilar tækið!! Og ekkert smávegis heldur er það eiginlega bara ónýtt. Held að nærvera mín daginn áður hafi gert útslagið en ég náði að setja 60 prufur í gegn áður en að tækið góða gaf upp öndina. DEM IT!! Þetta átti sem sagt að klárast á þriðjudaginn en núna er tómt vesen út af þessu. Það besta við þetta er að það er til splunkuný svona vél í húsinu en það kann enginn á hana. Hvað er verið að kaupa svona tæki ef enginn ætlar að læra á það? Merkilegt lið alveg...
Þannig að ég sit núna og horfi á stærðfræðibækurnar og gömul próf sem þýðir semsagt það að ég alveg að sofna.
Svo er ég líka hætt að elda. Var að elda um daginn og það slettist á mig olía og nú er ég skaðbrunnin í framan og á bringunni. Alveg 2 stigs bruni. Það var vont og því verður keyptur tilbúinn matur þangað til að ég eignast almennilegt eldhús.
P.s Djöfullinn
Sumarið 2006...
Var sko aldeilis prýðilegt bara. Ég, Nína og Pabbi að grilla á svölunum heima!
EIN ZWEI POLIZEI
Ég er hundelt af danskri lögreglu. Var að hjóla heim úr skólanum eftir 16 tíma törn á rannsóknarstofunni þegar að lögreglubíll rennir sér upp að mér. Ég hélt náttúrlega að þetta væru einhverjar sýruofskynjanir eftir daginn og það varð enn áþreifanlegra þegar að lögreglugaurinn hóf upp raust sína á dönsku hrognamáli. Man skal ha' et lys pa sit cykel!!! Og ég svaraði ha já jeg tror jeg har et lys og benti á ljósið sem ég keypti og hefur aldrei virkað. Setti svo upp undrunarsvip þegar ég "uppgötvaði" að það var ekkert ljós og sagði noh, jeg er bare ude af batterier... Nu joh segir Löggan, godt nok, og keyrir í burtu. Ég held áfram að hjóla ánægð með hvað danska löggan er róleg yfir smámunum. Tek samt eftir að þeir eru ekkert að flýta sér og keyra alltaf við hliðina á mér. Eftir svona ca 10 min rekur löggumaðurinn hausinn út aftur... man kan ikke cykle hvis man ikke har et lys pa sit cykel.... ég bara ha nú... Nej man skal trække sit cykel hvis man ikke har et lys ( orðinn frekar pirraður )... TRÆKKE? Ég klóra mér í hausnum og spyr hvernig maður eigi að trekkja sit cykel. Hann horfir á mig MJÖG pirraður og segir MAN SKAL GA MED SIT CYKEL HVIS MAN IKKE HAR ET LYS. AAsssoooo, segi ég til að telja honum trú um að ég sé þýsk því mér fannst á þessum tímapunkti mun fýsilegra að vera þjóðverji en íslendingur. Frábært!! Og ég á leiðinni út á Amager. Segi honum það í óspurðum fréttum en honum er ekki skemmt þannig að ég byrja að leiða eða trekkja hjólið eins og þeir segja hérna. Svindlaði samt smá á leiðinni en labbaði mest því ég var svo vitlaus að segja þeim hvert ég væri að fara og var því með ofsóknarbrjálæði alla leiðina heim og þorði lítið sem ekkert að hjóla. Er ekki orðin nógu góð að rífast ennþá á dönsku nefnilega... annars hefðí ég sko hjólað.... eða ekki kannski..
Hugleiðingar
Það brennur ýmislegt á mér þessa dagana.
Það á að setja konu í staðinn fyrir kall í íslenskum gönguljósum. Mér er svo sem alveg sama um það. Ég get allt eins farið yfir á grænni kellingu eins og á grænum kalli. Alveg merkilegt hvað stjórnmálamönnum gengur alltaf vel að slá ryki í augu fólks þegar vandinn er allt annar en jafnrétti kynjanna á göngubrautarljósum. Það er soldið eins og að eyða milljónum í að setja upp mengunarbúnað í verksmiðjum og henda svo því sem að kemur í mengunarbúnaðinn við hliðina á verksmiðjunni ( Real example sjá Fagpakke ritgerðina mína ).
Kate Moss er búin að vera mikið í fréttunum seinasta árið enda búin að vera tekin þó nokkuð oft með kókaín og annað krítiskt stöff í fórum sínum plús það að vera með átröskun og anorexíu í bland. Hún hefur aldrei verið vinsælli í auglýsingabransanum en núna. Nýbúin að skrifa upp á 14 nýja auglýsingasamninga við hin og þessi fyrirtæki.
Það er j-dagur í dag. Þá kemur jólabjórinn frá Tuborg með prompi og pragt. Ég fór reyndar ekki í bæinn heldur sit ég heima og pæli í hvernig ég ætla að skipuleggja námið næsta mánuðinn enda fer að styttast í að önnin fari að vera búin. Ég keypti þó fakta jólabjór sem kemur víst úr Kongens Bryghus. Hann er ekkert sérstaklega góður, svona eins og jólaöl með alkóhóli í. En ég keypti mér samt nokkra svona til að vera aðeins inn í stemmingunni. Annars finnst mér seinustu jól bara vera nýbúin.. Kannast fleiri við það?
Leiðrétting!!
Kynningin á deildinni verður haldin í Oticon húsinu í dag á milli 14 og 18 ekki upp í Artek deild eins og ég hélt um daginn!! Þannig að æstur múgurinn sem ætlaði að bregða sér í 204 er vinsamlegast bent á að fara þangað í staðinn!! En ég er farin að hengja upp ísbjarnapóstera...
TSJJJJúúúúúú :)
