Birna Picciridda

OHHH

ég var eitthvað að tuða um það um daginn að ég vildi fá kuldabola sem fyrst bla bla bla og mér varð af ósk minni, það er orðið verulega kalt bara seinnipartinn og á morgnana þó svo að sólin sé ekkert hætt að skína... en ég barasta gleymdi því að kulda fylgir ævinlega kvef og leiðindi og nú er ég orðin alveg stoppkvefuð og gat ekki mikið sofið í nótt sem varð til þess að ég komst ekki snemma úr rúminu í morgun þó það hafi nú svosem ekki verið neitt sérstaklega planað. Fínt að byrja að læra bara upp úr hádegi! Rölti út í seven eleven búðina til að kaupa mér cappuccino og cornetto þar sem að öll kafihús sem vert er að fara á opna ekki fyrr en ellefu hér í nágrenninu. Kaffið í seven eleven er svosem ekki til að hrópa húrra fyrir það er svo brennandi heitt að það passar fyrir mig að rölta með það heim og drekka það þar þegar ég er búin að kveikja á tölvunni og renna í gegnum bloggsíður landans, mbl.is og kíkja á bankareikninginn minn til að athuga hvort að það gæti skeð að þar hafi átt sér eitthvert kraftaverk yfir nóttina... það gerist yfirleitt ekki, svona ykkur að segja...

Annars er það helst í fréttum að ég er búin að selja sál mína og líkama til vísindanna fyrir 3000 danskar krónur og er fyrsta tilraunastarfsemin á morgun, það verður athyglisvert!!! Verst að ég þarf að vakna snemma...

posted by Picciotta @ 11:30