Birna Picciridda

MAFIUBRUIN,já sniðugt ekki satt!!Þessi brú hefur verið mikið í umræðunni vegna þess ítaka sikileysku mafíunnar við byggingu hennar og

hefur hún því verið nefnd Mafíubrúin þar um slóðir... fyndið að mogginn skuli fjalla um þetta á svona líka jákvæðan hátt, eins og við eigum bara að þakka fyrir að það séu þvilikir snillingar við vinnu uppi á Kárahnjukum því að þeir kunni sko að byggja langar hengibrýr, meira að segja þær lengstu í heimi.... Takið sérstaklega eftir því hvað stendur neðst í greininnni um mögulega íhlutun skipulagðrar glæpastarfsemi... jahérna hér... en ég læt ykkur um að lesa fyrir ykkur sjálf...

Impregilo byggir lengstu hengibrú heims
Fyrirtækjahópur, sem ítalska verktakafyrirtækið Impregilo fer fyrir, hefur fengið það verkefni að byggja lengstu hengibrú heims yfir Messinasund á Ítalíu. Impregilo er um þessar mundir að byggja Kárahnjúkavirkjun fyrir Landsvirkjun.

Pietro Ciucci, yfirmaður fyrirtækisins Messinasunds, sem sér um framkvæmdina, segir að á næstu dögum verði rætt við Impregilo til að ganga formlega frá samningum.

Gert er ráð fyrir að brúarsmíðin hefjist á síðari hluta næsta árs. Opna á brúna, sem mun tengja Sikiley við meginland Ítalíu, fyrir umferð árið 2012. Brúin verður 3690 metra löng og mun kosta jafnvirði um 450 milljarða króna.

Bílferjur ganga á milli ítölsku ?táarinnar" og Sikileyjar en á sumrin, þegar margir fara til eyjarinnar í sumarfrí, þurfa bílaeigendur oft að bíða í 10-12 tíma eftir að koma bíl sínum í ferju.

Ítalir hafa velt því fyrir sér lengi að smíða brú yfir sundið, og raunar allt frá því Giuseppe Garibaldi lagði Sikiley undir ítalska ríkið árið 1860. Ákvörðun var síðan tekin árið 2002 en hafði dregist vegna ótta við hugsanlega jarðskjálfta, mögulega íhlutun skipulagðrar glæpastarfsemi í smíði brúarinnar og gagnrýni umhverfissamtaka.

posted by Picciotta @ 17:22