Ekstra Bladet i dag
Jæja þá er sakamálasagan byrjuð í Ekstra Blaðinu. Ég rölti út í morgun og keypti þetta forláta blað. Maður verður nú að fylgjast með frá byrjun. Þar sem að hvorki mbl né dv eru komnir með fréttina á netið þá ætla ég að vera fyrri til og segja ykkur hvað stendur í stórum dráttum í blaðinu
Fyrirsögnin er Milljarðaspilið og lofar góðu. Heilar 5 síður eru teknar undir hasarinn. Greinin byrjar svona: Frá lítilli rok og klettaeyju langt norður í Atlantshafi búa 300 þúsund íslendingar sem hafa fengið þá flugu í höfuðið að þeir geti ferðast um og keypt upp allan heiminn. Þeir dreifa um sig peningum eins og venjulegt fólk kastar hrísgrjónum í brúðkaupum. Einn góðan veðurdag birtust þeir í Kaupmannahöfn og keyptu upp öll okkar stærstu fyrirtæki. Við sáum m.a á eftir Magasin ( hér um bil með feitletruðu og upphrópunarmerkjum ), Sterling, Illum til umatalaðra eyjabúanna. Hvaðan koma svona miklir peningar á eyju þar sem ekkert er nema heitir hverir?
Jú Íslendingar hafa heitt vatn sem streymir upp úr jörðinni , en þeir hafa líka fundið óstöðvandi lind af heitum peningum.
Svo er ýjað að því að á komandi vikum þá verði hulunni flett af stærstu og ríkustu fjölskyldum íslands, ríkustu mönnum rússlands og dönskum spilltum lögfræðingum sem hafi hjálpað íslensku hvítþegnu milljörðunum að komast inn í landið. Farið er yfir kaup Baugs og Gaums seinustu árin og Kbbanki Kaupþing nefndur mjög oft á nafn og á neikvæðu nótunum ásamt Exista, Fengs, Fons og Fl Group sem eru greinilega ekki "in" hjá fréttamanninum. Hann rekur peningaviðskipti allra þessara fyrirtækja í gegnum Kbbanka útibúið í Lúxemborg sem svo er með sambönd á Jómfrúareyjum. Þannig komist þeir upp með að borga ekki skatta í löndum þar sem að viðskiptin fara fram. Mikið er talað um Jeff sem er lögfræðingur Baugs manna hér í DK og fyrirsögnin á myndinni af honum er, steinríkur danskur lögfræðingur hjálpar íslensku milljörðunum til Dk og er sjálfur orðinn margmilljóner.
Hann svarar fyrir sig og eyjabúana svokölluðu, bíddu afhverju eiga þeir að borga skatt ef þeir komast upp með það? Þið ættuð frekar að benda fingri á þá sem að búa til lögin.
Sagan heldur svo áfram til Rússlands þar sem að Mikhail Fridman er tekinn fyrir en við þurfum að bíða þar til í næstu viku með að fá að vita tengslin á milli hans og rússnesku mafíunnar og íslendinganna sem greinilegt er að eru mjög náin, samkvæmt fréttamanni ekstrablaðsins.
posted by Picciotta @ 12:47
5 Comments:
Já ég bíð sko spennt. Reyndar er ég sammála manninum sem sagði afhverju eiga þeir að gera eitthvað sem þeir komast upp með að gera ekki. Ég er nokkuð viss um að í þeim efnishyggjuheimi sem við búum nú í séu flestir peningamenn/konur sammála því burtséð frá þjóðerni viðkomandi.
Ja hérna hér, bíðum eftir fl fréttum, og eru Danir fúlir út í okkur heldurðu? þetta með að dreifa hrísgrjónum er út hugsað hjá þeim.:) Syndir verða ekki aftur teknar, aðeins fyrirgefnar. Mamma
Nú get ég ekki setið á mér og verð að mótmæla orðum Nínu hér á undan. Það er eitt að vera löghlýðinn og annað að vera heiðarlegur. Það er mun auðveldara að falla undir það fyrra en hið seinna. Það að vera heiðarlegur á þó sér mismunandi merkingu meðal fólks. En þegar allt kemur til alls, þá er spurningunni "eru þetta heiðarlegar aðferðir" ósvarað og mér liggur næst að svara neitandi því það er ekki réttlátt að venjulegir launamenn borgi hærri skatt en auðmenn.
Kæri árni spárni
ÞAÐ ER EKKI LJÓTT AÐ GRÆÐA PENINGA!!!
Og ef einhverjir eru það klárir að græða meira en aðrir þá finnst mér það í lagi annað væri eins og að segja að þar sem sumir eru lesblindir ættu allir að fara í sérkennslu...
Das nina
Kæra Nína pína.
Það er ekki ljótt í sjálfu sér að græða pening. En það fer eftir því hvernig það er gert. Stjórnvöld víðs vegar hafa reynt að koma í veg fyrir þessar aðferðir til að koma undan skatti, enda er mikið óréttlæti fólgið í þeim þó þú sjáir það ekki. Nú þegar loks hefur verið upplýst um viðskiptaaðferðir þessara fyrirtækja, þá er það ljóst að ímynd þeirra hefur beðið skipbrot einmitt vegna þess að flest fólk (sennilega ekki þú) kann ekki við að versla við svona búllur, og það mun vonandi hafa varanleg áhrif á velgengni þeirra í framtíðinni. Sjáum til.
Skrifa ummæli
<< Home