Birna Picciridda

jáhá

Jæja ég er búin að vera svo ótrúlega róleg seinustu daga yfir þessu prófi sem átti að vera í dag, alveg stresslaus og þegar eg fór upp í skóla í morgun þá var ég alveg sallaróleg og ætlaði sko heldur betur að ljúka þessu jarðfræðiprófi af með stæl. En hlutirnir hér eru jafn ótrúlega breytilegir eins og íslenskt veðurfar, prófessorinn er veikur og óvíst að hann eigi eftir að ná sér á næstunni, greyið kallinn er með tvöfalt krabbamein og ég veit ekki hvað og hvað, maður náttúrlega bara vorkennir honum enda alveg ágætiskall sem kallar mig alltaf Ingrid. Allavegana ekki var hægt að taka prófið þar sem að prófessorarnir verða ávallt að vera viðstaddir prófatökur þannig að það var ekkert annað að gera en að lufsast bara aftur heim, ætli ég hafi fundið þetta á mér?

Þetta er nefnilega ekki i fyrsta skiptið sem ég reyni að taka þetta próf, kallinn nefnilega greindist með krabbann fyrir ári síðan og er buinn að liggja á spítala í marga mánuði og seinast þegar eg átti að taka prófið þá komst hann heldur ekki, ég held að þeir ættu nu bara að leyfa aumingja manninum að reyna að ná sér og finna annan prófessor til að kenna þetta fag, en allavegana svona fór það.

Ég rölti því bara niður á markað í staðinn og keypti 1 kilo af tómötum þessum pínulitlu sem eru bestir, og 1 kílo af lattuga ( það er svona blaðkál eitthvert ) og kostaði það allt saman 150 krónur og svo sá ég að það var verið að selja boli á 1 evru og keypti 3 mjög fína bara og svo fann ég annan bol sem ég mátaði í búð um daginn og kostaði 40 evrur en á markaðnum kostaði hann 10 svo ég skellti mér nátturlega bara líka á hann, kostaði 10 sinnum meira en hinir bolirnir en það er að því að hann er svo ótrúlega "classie " heheheh... ég verð nú að geta montað mig af einhverju, er í ótrúlega furðulegum háskóla þar sem virkar ekki neitt, en ég get allavegana keypt alveg fullt af ódýru en samt flottu dóti sem þið getið ekki hahahah á ykkur!!!!

posted by Picciotta @ 12:05