Finnskt verkalýðsfélag, sem í eru um 170.000 bændur og eigendur skóglendis leggja til að Finnar sniðgangi ítalskar vörur eftir að Silvio Berlusconi, forsætisráðherra Ítalíu fór heldur ófögrum orðum um finnska matseld. Finnskir fjölmiðlar skýra frá þessu í dag.
Samtök framleiðenda í landbúnaði og skógareigenda (MTK) leggja til að Finnar sniðgangi ítalskar vörur, þar á meðal vín og ólífuolíu, og að aðgerðirnar standi yfir í allt sumar. Fyrr í vikunni gerði Berlusconi lítið úr ítalskri matarmenningu, að því er fram kom í frétt Helsingin Sanomat í dag. Blaðið bætti því hins vegar við að þótt MTK legðu til að ítalskar vörur yrðu ekki keyptar, myndi það ekki styðja þá hugmynd með formlegum hætti.
Aðeins fjögur eru liðin frá því Finnar áttu í deilum við Ítali vegna staðsetningar nýrrar stofnunar á sviði matvælaöryggis hjá Evrópusambandinu. Þá sagði Berlusconi að ekki væri rétt að stofnunin yrði staðsett í Finnlandi þar eð ?Finnar vita ekki einu sinni hvað prosciutto er.? Málinu lauk með því að ákveðið var að stofnunin yrði á Ítalíu. Þegar hún tók til starfa í borginni Parma á þriðjudag er Berlusconi sagður hafa tjáð sig að nýju um Finna og mat. ?Ég hef komið til Finnlands og þurft að þola finnskan mat svo ég treysti mér fullkomlega til þess að gera samanburð.? ?Nú getur Barroso( forseti framkvæmdastjórnar ESB) bragðað á culatello (ítölsk skinka) hjá okkur í stað þess þess að snæða reykt hreindýr í Finnlandi,? sagði ráðherrann.
Þá er Berlusconi sagður hafa skvett olíu á eldinn með fullyrðingu um að hann hefði nýtt ?glaumgosahæfileika? sína til þess að sannfæra Törju Halonen, forseta Finnlands, um að betur færi á að Matvælaöryggisstofnunin yrði í Parma, fremur en í Finnlandi.
posted by Picciotta @ 15:03
0 Comments:
Skrifa ummæli
<< Home