Við erum búin að vera rafmagnslaus í meira en heilan dag þar sem að það ar einhver leiðsla í húsinu fyrir neðan sem að leiddi út og drap rafmagnið í íbúðinni okkar, já bara í okkar íbúð, það þurfti að kalla út 2 rafmagnsfræðinga til að finna út það sem gerst hafði og laga það, enn er ekki þó komið rafmagn inn í svefnherbergi, það er seinni tíma vandamál.
Við erum búin að vera vatnslaus i heilan dag, ekki er enn búið að komast að afhverju það var, en sennilega hefur rafmagnsleysið átt þar einhvern þátt í.
Símalinan er búin að vera svona upp og niður, netið vildi ekki koma inn og ég gat tengt mig 2 vikum eftir að það var sett upp, það var einhver bilun í símakerfinu og viti menn bara á línunni minni ( þetta kom 3 sinnum fyrir í íbúðinni sem við vorum í áður, já bara á línunni hjá okkur, engum öðrum ).
Við keyptum rúm sem átti að koma allt í pörtum vegna þess að stiginn inn í íbúðinni er svo þröngur að við þurftum að velja húsgögn eftir málum, viti menn það kom allt í pörtum nema grindin sem fer í að halda dýnunni upp, þannig að hún er föst núna niður í anddyri, kemst ekki upp þrátt fyrir ítrekaðar tilraunir og ónýtan nýmálaðan vegg þar sem að búið er að reyna að troða helvítinu upp en ekkert gengur...
Skjaldbökubúrið brotnaði í gær, veit ekki alveg hvernig að gerðist en nú verð ég að fara að finna nýtt búr annars þorna skjöldurnar mínar upp.
Keyptum klósettsetu á klósettið þar sem að hana vantaði þegar við fluttum inn, ekki hægt að setja hana á vegna þess að klósettfjandinn er byggður inn í vegginn og því er það allt einhvernveginn öfugsnúið, eftir heilt kvöld með haus og hendur ofan í klósettskálinni að reyna að koma þessu saman þá gafst ég upp. Þvílík snilldarhönnun á þessu blessaða húsi.
Vatnið í sturtunni er eitthvað furðulega stillt, annaðhvort kemur bara alveg ógeðslega heitt eða ískalt, það er ekki gott mál.
Ég komst ekki inn á netið í allan gærmorgunn loksins þegar þeir áttu að vera búnir að laga gallann, þá kom í ljos eftir heilmikið þref við einhvern þjónustuaðila að maður þarf að fara inn á einhverja síðu hjá símafélaginu og skrá sig, og það er ekkert verið að láta mann neitt vita að því.
Í dag þá kemst ég ekki inn á MSN til að grenja í fólki yfir hrakförum mínum þannig að ég geri það bara í staðinn á þennan veg, er annars að læra undir próf sem ég á að fara í í næstu viku, þ.e ef að kennarinn veikist ekki eða eitthvað annað kemur fyrir í millitíðinni. Ég er í vondu skapi
posted by Picciotta @ 13:43
0 Comments:
Skrifa ummæli
<< Home