Birna Picciridda

vá

hvað það er langt síðan að það hefur verið skrifað hér! Heilir tiu dagar, eða jafnlengi og nettengingin mín hefur legið niðri. Það voru einhverjir 15 vírusar, einn trójuhestur og einn spyware í tölvunni hjá mér, ekki nema von að hún hafi verið orðin slöpp greyið. En nú er pakistaninn vinur minn hérna niðri búinn að gera við hana og hún er bara eins og ný!!! Grunar samt að ég hafi smitast af öllum vírusunum sem voru í umferð því að ég vaknaði fjandi slöpp í morgun með hálsbólgu hausverk og kvef.

Annars var helgin með lengra móti þar sem að mamma verkfræðingur var hérna á ferðinni. Fór á jólahlaðborð í tívoli með því góða fólki á fimmtudeginum og var bara mjög gaman þrátt fyrir að það væri mjög kalt. Við drukkum því bara mun meir til að halda á okkur hita, en það kunna nú íslendingar manna best. Svo var djammað í bænum langt fram á nótt og eins og gerist og gengur þá voru sumir að lengur en aðrir hemmm nefnum engin nöfn.... Þetta varð til þess að mer fannst alla helgina að ég væri einum degi á undan þar sem að maður er nu ekki vanur að vera svona seinn á ferðinni heim á virkum dögum...

Svo var það bara Sverige beibí í þynnkunni á föstudeginum, alveg hægt að missa sig í búðunum þar sko... ég fékk nýjan kjól og ný stígvél frá henni mömmu, já alltaf gaman að fá hana í heimsókn sko!!!

En jæja það fer að styttast í próf og ótal verkefnaskil. Ruslaáfanginn er kominn hálfa leið í höfn og ekkert nema gott um það að segjja... stærðfræðin hins vegar ekki alveg jafn hress en nú verður það bara harkan sex og lagst í að reikna og reikna fram að prófi þann 8 des!!! Já takk heillaóskir eru vel liðnar og þakkaðar fyrirfram með þökkum!! Hugsið til mín gott fólk... ég á eftir að þurfa á því að halda...

Farin í sturtu og svo að sofa, sofa sofa sofa vírusana úr sér... er það ekki þjóðráð? Hefði nu haldið það

posted by Picciotta @ 21:01