Ekkert merkilegt að frétta af mér svo sem, er bara í frekar vondu skapi við eðlisfræðikennarann minn sem ákvað að fella alla þá sem birtust í próf í gær og í fyrradag mig meðtalda. Mér fannst það ekki mjög sanngjarnt þar sem að mér gekk bara alls ekkert illa á prófinu!! Ég meina hvað er að kallinum eiginlega...segir manni bara að koma aftur þann 25 feb eins og ekkert sé. Ekki eins og maður sé bara í einu prófi, nei gamli minn, ég þarf að taka 6 próf á þessari önn!! Ekki eins og ég hafi heldur ekki vitað neitt, þvert á móti þá talaði ég bara heilmikið og sagði allt rétt, en gallinn við munnleg próf getur verið sá ( og sérstaklega ef að kennarinn er orðinn ellihrumur ) að á seinni hluta prófsins þá getur prófessorinn hafa gleymt að fyrrihlutinn hafi gengið vel, þar sem að það er enginn vitnisburður fyrir því,ekkert skriflegt, ekkert sem hægt er að endurskoða aðeins orð sem svífa í burtu og gleymast, því verr og miður!! Eftir prófið þá komu krakkarnir sem sáu prófið til mín og spurðu mig hvort ég hefði neitað einkuninni...og ég nátturlega svaraði því til að hann hefði ekki einu sinni boðið mér einkunn, heldur fellt mig þá ætluðu þau ekki að trúa mér því að prófið gekk alls ekki illa.....aumingja strákurinn sem ætlaði að fara á eftir mér hætti meira að segja við að fara því hann vissi ekki helminginn af þvi sem ég vissi á mínu prófi...... ljóta ruglið og ég er lögst í þunglyndi.
Nú ætla ég að biðja ykkur öll um að skrifa í kvörtun óskast/rifrildi og greiða atkvæði um það hvað ég eigi að gera í framhaldi þessara atburða....halda áfram að berjast við þetta skrýtna stranga ítalska skólakerfi sem mér finnst ekki vera sanngjarnt fyrir fimmaur, en hef samt sem áður lært alveg heil mikið á, og klára þessa háskólagráðu hér og útskrifast VONANDI eftir 2 ár ( ef allt gengur vel ) sem umhverfistæknifræðingur og þá yrði ég jafnframt eina manneskjan heima á Íslandi með þannig b.s gráðu ( svo ég viti til....) en mjög sennilega þó með mjög alvarlegan geðheilsuskaða.... EÐA þá að flýja bara aftur heim til Íslands með skottið á milli lappanna á annað ár í líffræðinni í háskólanum og útskrifast sem líffræðingur þaðan......en heil á geði þó!!!!
Gjörið svo vel
0 Comments:
Skrifa ummæli
<< Home